Gin-appoint bilang bag-o Campus Director sang Sultan Kudarat State University ukon SKSU-Tacurong Campus si Dr. Helen M. Espartero, nga magapanguna sa pagpalambo sang campus kag pagpasanyog sang kalidad sang edukasyon.
Sa ginpagwa nga pahayag, gin- abi-abi sang SKSU community ang bag-o nga Campus Director kag ginhatagan sang mga paghandum para sa iya pagdumala.
Ginalauman nga ang pagpangulo ni Dr. Espartero magahatag sang mas madinalag-on nga mga programa kag mga inisyatibo para sa mga estudyante, faculty kag personnel sang campus.
Ginapaabot man nga ang iya liderato magapadayon sa pagpalig-on sang akademiko nga kahimusan kag serbisyo sa SKSU-Tacurong Campus.
Ang iya pagtudlo bilang bag-o nga Campus Director nagmarka sang isa pa ka tikang para sa padayon nga pag-uswag kag paghatag sang kalidad nga serbisyo sang unibersidad sa komunidad.
Photo Courtesy: SKSU-Muslim Student Organization- Tacurong Campus
