Nagpakita sang talento kag pagkamamugnaon ang mga kabataan sang Sultan Kudarat pinaagi sa Mural Painting Competition. Sa nasambit nga kompetisyon, ginpahayag sang mga young artists ang ila mga ideya pinaagi sa makulay kag makahulugan nga mga mural.
Lakip sa mga tema nga ginpakita sa ila mga obra ang mga infrastructure milestones sang Sultan Kudarat, Sustainable Development Goals, kag ang nagalapnag nga teknolohiya sang Artificial Intelligence.
Ginpahayag nga ang aktibidad indi lamang pagpakita sang talento sa arte, kundi isa man ka pamaagi sa paghatag tingog sa kabataan kag sa ila panan-aw para sa palaabuton sang probinsya.
Pinaagi sa sini nga inisyatibo, ginapalig-on ang pagkamamugnaon sang kabataan kag ang ila partisipasyon sa paghulma sang mas matahum kag mas maayo nga palaabuton sang Sultan Kudarat.
Photo Courtesy: Provincial Development Office- Sultan Kudarat
