Gipahigayon sa Davao del Sur Police Provincial Office o DSPPO ang Active Shooter and Emergency Preparedness Briefing alang sa mga empleyado ug staff sa Cor Jesu College sa IA Conference Room, Barangay Zone II, Digos City.
Ubos sa pagpanguna ni Provincial Director PCOL Leo T. Ajero, gihatagan og kahibalo ang mga partisipante bahin sa emergency preparedness, safety protocols ug hustong pagtubag panahon sa kritikal nga insidente.
Gipangunahan nila PMAJ Laurence D. Conde, Acting Chief sa PCADU, ug PEMS Arsenio B. Limpangog ang briefing. Tumong niini nga mapalig-on ang kahibalo ug pagpangandam sa mga kawani aron mapadayon ang kaluwasan sulod sa komunidad sa eskwelahan.
