Gipaabot sa PAGASA nga ang Tropical Depression Pilandok posibleng molig-on ngadto sa tropical storm sulod sa sunod 12 ka oras. Samtang dili direktang moigo sa nasod, gilauman gihapon nga makaapekto kini sa weather pattern sa Pilipinas.
Gipahimangnoan ang mga residente, ilabina sa mga lugar nga apektado sa habagat, nga magbantay sa posibleng kusog nga ulan ug pagbaha. Ang southwest monsoon o habagat nagpadayon usab sa pagdala og ulan sa pipila ka bahin sa nasod.
Gidasig ang publiko nga kanunay nga mosubay sa weather bulletins sa PAGASA ug sa mga pahimangno sa lokal nga disaster risk reduction offices. Gipahinumdoman usab ang mga residente sa mga lugar nga dali bahaan nga andam kanunay sa posibleng evacuation kung mosamot ang kahimtang sa panahon.
Photo Courtesy: PAGASA
