Nasikop ang usa ka lalaki sa mga otoridad atol sa gikasang search warrant operation didto sa Sitio State, Barangay San Luis, Caraga, Davao Oriental pasado alas 5:20 sa buntag niadtong Agosto 30, 2026.
Ang operasyon gihimo sa mga personahe sa Caraga Municipal Police Station nga miresulta sa pagkasikop ni alyas Jun-Jun ug narekober gikan kaniya usa ka yunit sa .38 revolver nga walay serial number uban sa upat ka buok bala niini.
Human niini, gimarkahan ug giimbentaryo dayun sa lugar sa nahitaboan ang mga nakumpiskang ebidensya uban sa mga testigo ug sa suspek mismo. Samtang gipahibalo usab siya sa iyang katungod pinaagi sa pinulongan nga iyang nasabtan ug nahibal-an.
Sa pagkakaron giandam na ang kaso batok sa dinakpan nga maykalabotan sa RA 10591 kun Comprehensive Firearms and Ammunition Regulation Act.
Photo Courtesy: Caraga MPS
