Gipangandaman sa Bureau of Internal Revenue o BIR ang electronic invoicing system samtang nagkaduol ang Disyembre 31, 2026 nga deadline sa unang hugna sa implementasyon
Gikunsulta sa BIR ang mga representante sa pribadong sektor aron mapino ang mga lagda ug proseso sa electronic invoicing ug masiguro nga hapsay kining ipatuman sa mga negosyo.
Matod ni BIR Commissioner Charlito Martin R. Mendoza, importante ang suhestiyon sa mga negosyo aron maangay ang sistema sa ilang aktuwal nga operasyon ug malikayan ang mga problema sa implementasyon.
Pinaagi sa electronic invoicing, TUMONG sa BIR nga mapugngan ang tax leakage, mapalambo ang pag-monitor sa kita ug mapadali ang pagkolekta sa tax data, imbes nga magsalig sa tradisyonal nga papel nga mga dokumento.
Ubos sa proposed guidelines, ang mga sakop nga corporate taxpayers mahimong mogamit og kaugalingong sistema, commercial software o third-party provider alang sa pag-isyu ug pagpadala sa electronic invoices.
Photo Courtesy: Blue dot
