Usa ka 20-anyos nga babaye sa Tainan, Taiwan ang naospital human makasinati og taas nga hilanat ug grabeng kasakit sa ubos nga bahin sa iyang likod.
Sa medical examination, nakita sa mga doktor nga namaga ang iyang tuo nga kidney ug adunay kapin 300 ka kidney stones nga namuo niini. Ang mga bato adunay gidak-on nga 5 millimeters hangtod 2 centimeters
Tungod sa kadaghan sa kidney stones, kinahanglang ipasailalom si Xiao Yu sa percutaneous nephrolithotomy, usa ka minimally invasive nga pamaagi sa pagtangtang sa mga bato sa kidney.
Nasuta usab nga talagsa ra siya moinom og plain water ug mas kanunay nga nag-inom og bubble tea, fruit juice, ug uban pang tam-is nga ilimnon.
Nahimong pahimangno ang maong kaso sa kamahinungdanon sa pag-inom og igo nga tubig ug pag-atiman sa kahimsog aron malikayan ang mga problema sama sa kidney stones.
Photo Courtesy:www.asiae.co.kr
