Gitutokan sa Department of Health (DOH) ang pagtubag niini sa pagtaas sa mga kaso sa leptospirosis nga bunga sa halapd nga pagbaha sa Metro Manila ug uban pang rehiyon gumikan sa Habagat.
Nalakip sa mga nangunang lakang sa ahensya ang pagpaayo sa referral ug ang pagsiguro nga may igo nga mga medical supplies ug sa mga tambalanan.
Aron matubag ang pagdaghan sa mga pasyente, nagdugang ang ahensya ug mga nurse sa mga ospital lakip na ang medical tent ug dugang cot beds.
Aktibo usab karon ang Express Lanes sa 33 DOH ka mga hospitals sa Metro Manila, Region I, II, III, ug CAR aron mas mapadali ang pag-asess sa nagkadaghang pasyente sa leptospirosis.
Sa kasamtangan, adunay 155 pasyente sa leptospirosis ang naka-admit sa San Lazaro Hospital (SLH) nga hugot nga gi-monitor ug guhatagan ug gikinahanglang nga tambal.
Nagpahinumdom ang ahensya nga magpa-check gilayon sa pinakaduol nga health center o ospital kung may nabati nga mga sintomas aron dili mograbe ang kondisyon.
