Nalit-ag sa operatiba sa Tracker Team sa 1303rd Maneuver Company, Regional Mobile Force Batallion-RMFB13 ang Top 4 Most Wanted Person sa provincial level.
Nadakpan ang usa ka 59-anyos nga lalaki nga giila wanted sa Davao de Oro Region. Gikasa ang pagdakop subay sa Warrant of Arrest batok sa suspek may kalabotan sa kasong Attempted Parricide, ubos sa Criminal Case No. FC-213-FC-332-24.
Ang warrant gi-isyu ni Judge Regina Feliciano Sison-Montiel sa Regional Trial Court Branch 1, Davao de Oro niadtong Agosto 19, 2026, nga adunay piyansa nga ₱120,000.
Gibutyag ni PCAPT Paulo Macas, sa RMFB-13 nga bisan asa pa magtago-tago sa balaod padayong paningkamot sa mga law enforcement unit sa pagpalig-on sa koordinasyon ug pagpatuman sa manhunt operations batok sa mga wanted persons, aron manubag sa balaod.
