Nadakpan ang Provincial Top 1 Most Wanted Person sa Agusan del Norte, atol sa gikasang operasyon sa Barangay 10, Buenavista, Agusan del Norte niadtong nakalabay nga adlaw.
Ang susupetasdo naila sa alyas nga “Tawing,” 43-anyos, lalaki, laborer, adunay live-in partner ug residente sa naasoy nga lugar, giaresto pinaagi sa Warrant of Arrest nga gipagawas sa Regional Trial Court Branch 1, 10th Judicial Region HOJ, Libertad Butuan City, nga penitsahan niadtong Agosto 20, 2026, ubos sa Criminal Case Numbers 2026-0766 hangtod 2026-0769, upat ka kaso sa Qualified Rape ubos sa Republic Act 8353, o Anti-Rape Law, in relation sa Republic Act 11648, batok sa menor de edad.
Sa karon himas rehas na ang maong akusado, diin ang mga kasong naka-file, walay piyansa nga girekomenda sa korte.
