Nadakpan ang duha ka lalaki human nasikop sa mga otoridad atol sa gilusad nga drug buy-bust operation didto sa Sitio Baliwagan, Barangay San Antonio, Cateel, Davao Oriental pasado alas 09:40 sa milabay nga gabii.
Ang mga dinakpan naila nga sila alyas “Juls”, 37 anyos, minyo, mag-uuma ug alyas “Jun”, 21 anyos, ulitawo, walay trabaho ug pulos mga residente sa maong lugar. Nakuha gikan sa ilang posisyon ang pito ka heat-sealed plastic sachet nga adunay sulod sa gituohang shabu nga gibana banaang mutimbang sa 0.7 gramos ug adunay kinatibuk-ang kantidad nga Php 4,760.00 ug nasakmit usab ang usa ka PHP 500 nga kwarta buy-bust money.
Ang operasyon gihimo pinaagi sa pagpanguna sa mga personahe sa Cateel Municipal Police Station, kauban ang PDEU DOPPO, 1st DOPMFC ug sa koordinasyon sa PDEA Region XI ug uban pang law enforcement units.
Human sa pagdakop gipahibalo ang mga akusado sa ilang mga katungod ug dayong gidala sa kustodiya sa kapulisan alang sa tukmang disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo courtesy: Cateel MPS
