Balhog sa prisohan ang usa ka wanted person atol sa gikasang operasyon sa mga otoridad didto sa Brgy. Culian, Mati City pasado alas 10:30 sa buntag niadtong milabay nga adlaw.
Gihimo ang operasyon sa pagpanguna sa personahe sa Mati City Police Station, kauban ang lain pang mga operatiba nga miresulta sa pagkasikop sa usa ka lalaki nga wala na hinganli ug hamtong ang pangidaron.
Nadakpan ang suspek pinaagi sa pagpatuman sa warrant of arrest alang sa kasong Acts of Lasciviousness nga giisyu sa korte. Human sa pagdakop, gipahibalo ang akusado sa iyang mga katungod pinaagi na sa pinulongan nga iyang nasabtan.
Sa pagkakaron ang dinakpan gikustodiya na sa kapulisan alang sa hustong dokumentasyon ug tukmang disposisyon.
Photo courtesy: Mati CPS
