Dakpan sa hiniusang buy-bust operation ang usa ka lalaki nga nalambigit sa illegal nga droga didto sa Purok Pagkakaisa 1, Barangay Matiao,Mati City, niadtong nakalabay nga adlaw.
Ang operasyon gilunsad sa mga personahe sa Mati City Police Station kauban ang lain pang law enforcement agencies nga miresulta sa pagdakop ni alyas Jayson nga gikosiderang Street Level Individual (SLI).
Nakuha gikan sa posisyon sa dinakpan ang mga gituohang shabu nga gibana banaang adunay kinatibuk-ang kantidad nga kapin Php 6,997.00. Gimarkahan ug giimbentaryo dayon sa lugar sa nahitaboan ang mga nakumiskang ebidensya uban sa mga testigo ug sa suspek mismo.
Sa kasamtangan gibalhog na ang suspetsado sa prisohan ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo courtesy: Mati CPS
