Arestado sang mga kapulisan ang isa ka ginakabig nga High-Value Individual ukon HVI sa pagpatuman sang search warrant sa Barangay Daguma, Bagumbayan, Sultan Kudarat sang Agosto 25, 2026.
Ang suspek nga ginakilala sa alyas nga “Benjie,” 34 anyos, gin-aresto sang mga operatiba sang Bagumbayan Municipal Police Station, kaupod ang 2nd Sultan Kudarat Provincial Mobile Force Company, Sultan Kudarat Provincial Intelligence Unit kag Provincial Drug Enforcement Unit.
Narekober sa operasyon ang tatlo ka sachet sang ginapatihan nga shabu nga may kabug-aton nga anum ka gramos kag may gin-estimar nga standard drug price nga P40,000.00, lakip ang isa ka gamay nga pouch kag disposable lighter.
Ang suspek yara na sa kustodiya sang Bagumbayan MPS samtang ginapaidalom sa laboratory examination ang mga nakumpiska nga ebidensya.
Ginapreparar naman ang kaso batok sa suspek bangud sa paglapas sa Section 11, Article II sang Republic Act 9165 ukon Comprehensive Dangerous Drugs Act of 2002.
Suno kay PBGEN Alan B. Manibog, Regional Director sang PRO-12, padayon pa nga pagapabaskugon sang kapulisan ang kampanya batok sa ilegal nga droga para sa mas hilway kag malinong nga komunidad.
Photo Courtesy: PNP Regional Office 12
