Gidasig ang mga kwalipikadong micro taxpayers sa Mawab, Davao de Oro nga atubangon ang ilang wala pa mabayrang obligasyon sa buhis pinaagi sa One-Time Abatement Program for Micro Taxpayers nga ipahigayon sa alas-9:00 sa buntag sa Municipal Gymnasium sa Mawab, Oktubre 13, 2026.
Pinaagi sa maong programa, hatagan og impormasyon ang mga magbubuhis nga adunay delinquent tax liabilities, penalties ug surcharges kabahin sa mga kapilian sa tax relief ug paghusay sa ilang mga obligasyon.
Tumong niini nga matabangan ang mga kwalipikadong magbubuhis nga mas masabtan ang ilang kahimtang sa buhis ug ang mga pamaagi sa paghusay niini, lakip ang paglikay sa dugang nga problema sa umaabot.
Giawhag ang mga interesado nga motambong aron makakuha og tukmang impormasyon kabahin sa programa ug sa mga kinahanglanon sa pag-apil.
Photo courtesy:Justine Irish Tabile
