Gipadayag ni PLTCOL Florante Sual Retes, bag-ong Acting Chief of Police sa Monkayo Municipal Police Station, ang mga programa, kalampusan ug mga lakang sa kapulisan aron mapadayon ang kalinaw ug kahapsay sa lungsod.
Atol sa iyang pakighinabi sa Juander Radyo News Team, gipaambit ni PLTCOL Retes ang mga kalihokan ug mga nahimo sa kapulisan sukad sa iyang paglingkod sa maong katungdanan, lakip ang mga paningkamot aron mapalig-on ang seguridad ug mapanalipdan ang komunidad SA Lungsod sa Monkayo.
Gihisgutan usab ang pakigtambayayong sa lokal nga panggamhanan sa Monkayo aron mas mapalapad ang mga programa sa peace and order ug mapalig-on ang koordinasyon tali sa kapulisan ug sa komunidad.
Gipunting sa maong panaghisgot ang kamahinungdanon sa panaghiusa sa kapulisan, lokal nga panggamhanan ug kooperasyon sa mga katawhan aron mapadayon ang malinawon ug luwas nga palibot sa nasangpit nga Lungsod.
