Gipasalig sa bag-ong Public Information Officer o PIO sa Davao de Oro Police Provincial Office sa tukma ug kumpirmadong impormasyon ug nagpasalamat sa pagsalig nga gihatag kaniya.
Matud ni PLT Maria Luisa E Bautista , atol sa pag-interview sa Juander Radyo News Team nga giila niya ang pagsalig nga gihatag sa iyang opisina, ubos sa pagpangulo ni Police Colonel Cesario D Dukiling Jr., ug misaad nga maghatag og tukma sa panahon, beripikado ug base sa kamatuoran nga mga impormasyon ngadto sa publiko.
Gipasiugda usab sa bag-ong PIO nga magpadayon sila sa ilang katungdanan isip mga kapulisan sa pagpanalipod sa katawhan ug pagmintinar sa kalinaw ug kahapsay.
Lakip usab sa ilang tumong ang pagseguro sa kaluwasan ug pagpalambo sa kalamboan sa probinsya sa Davao de Oro pinaagi sa padayon nga pagserbisyo sa publiko.
