Mokabat sa 14 ka mga masuso ang nakabsan sa kinabuhi human sa nahitabong nasunog sa maternity ward sa Pakistan Institute of Medical Sciences (PIMS) sa Islamabad, Pakistan niadtong Miyerkules.
Subay sa report, nagsugod ang sunog sa ikatulong andana sa Mother and Child Health Ward, diin dali usab nga niresponde ang mga rescue team ug kapulisan.
Nanawagan si Prime Minister Shehbaz Sharif og lawom nga imbestigasyon aron mahibal-an ang hinungdan sa sunog ug mapanubag ang responsable. Sa pagkakaron, wala pa matino sa mga awtoridad ang hinungdan sa insidente.
Photo Courtesy: Taipie Times
