Nagpakitang-gilas ang 11-anyos nga si Mikhael Jasper “Mikee” Mojdeh human niya makuha ang lima ka gold medal sa Private School Association of Parañaque (PSAP) swimming tournament, nga magsilbing agianan aron makaabot sa sunod tuig nga Palarong Pambansa.
Naila si Mojdeh isip usa ka Grade 6 pupil sa Immaculate Heart of Mary College-Parañaque, unang midaog og gold medal sa elementary boys 200-meter freestyle human makarekord og oras nga 2 minutos ug 31 segundos. Nasundan pa kini og usa ka gold medal sa iyang paboritong 200-meter backstroke event, diin nakarekord siya og 1 ka minuto ug 21 segundos.
Gidominar usab ni Mojdeh ang 200-meter individual medley nga adunay oras nga 2:53, 400-meter freestyle sa oras nga 5:25, ug 50-meter backstroke sa 36.00 segundos, aron makompleto ang iyang lima ka gold medal sa tanang lima niya ka events.
Matud ni BEST team manager Joan Mojdeh, ang kalampusan sa mga atleta resulta sa ilang dedikasyon, disiplina ug walay hunong nga paningkamot sa training. Samtang, nakakuha usab og gold medal ang uban pang miyembro sa Behrouz Elite Swimming Team (BEST), lakip sila Allen Miguel Fallarcuna, Tiffanie Amatorio ug Ada Leandra De Guzman sa ilang tagsa-tagsa ka dibisyon.
Sunod nga atubangon sa BEST tankers ang Palarong Pambansa Division Meet, nga magsilbing hagdanan aron makaabot sila sa Regional Meet.
Photo Courtesy: Mikhael Jasper Mikee Mojdeh.
