Patay ang 52-anyos nga lalaki nga giila sa alyas Ryan, residente sa Purok 21, Barangay San Vicente, dakbayan sa Butuan, human nakaangkon og daghang samad pinusilan sa iyang lawas.
Subay sa impormasyon pasado alas 5:00 sa kaadlawon nadungog sa mga residente ang sunod-sunod nga mga sipa nga buto sa armas nga gikan sa balay sa biktima.
Sa dihang gisusi ang maong lugar, nakita ang biktima nga nagbuy-od na sulod sa iyang panimalay ug naligo sa kaugalingon niyang dugo. Nasayran usab nga adunay naunang panaglalis ang biktima ug usa ka wala mailhing tawo niadtong miaging adlaw, ug usa kin isa padayon pang gipanubayan sa kapulisan kung adunay kalambigitan kini sa nahitabong pagpamusil.
Sumala pa sa impormasyon, bag-o pa lamang nakagawas sa Davao Penal Colony ang biktima human makompleto ang iyang silot sa kasong may kalabutan sa ilegal nga droga.
Sa pagkakaron gipangita pa sa mga otoridad ang mga posibleng suspek ug gitino ang motibo sa pagpatay.
