Nakakuha og atensyon sa mga katawhan ang nag-viral nga video nga gipatik sa TikTok user nga si Isabelle, diin makita ang usa ka doktor nga nagtan-aw og medical tutorial samtang nag-atiman kaniya. Nakita sa maong video ang doktor nga nagsul-ob og headphones ug nag-atubang sa computer diin nagpatukar og tutorial bahin sa usa ka medical procedure.
Nakurat ang pipila ka nanan-aw sa maong video tungod kay anaa sa higdaanan ang pasyente nga adunay IV samtang nagtan-aw ang doktor sa monitor.
Mitubag ang ubang mga doktor sa kontrobersiya pinaagi sa pagdepensa sa ilang kauban ug pag-ingon nga kasagarang magtan-aw og medical references ang mga healthcare professional aron masiguro ang hustong pagpatuman sa procedure.
Giklaro ni Isabelle nga malampuson ang iyang procedure ug gihimo lamang niya ang video isip usa ka joke, samtang gipamatud-an niyang kwalipikado ang doktor ug maayo ang pag-atiman niini kaniya.
Photo Courtesy: Dexerto
