Nagsugod na sa ilang pagpangandam ang Kagamhanang Lokal sa Dakbayan sa Valencia pinaagi sa pagpahigayon og coordination meeting alang sa gikatakdang Nationwide Simultaneous School Safety Drill for Active Attacks nga ipahigayon sa sunod semana.
Gituki sa maong panagtagbo ang mga kinahanglanong estratehiya, coordination mechanisms, ug ang tagsa-tagsa ka papel sa nagkatagboang opisina ug ahensya aron masiguro nga hapsay, luwas, ug malampuson ang pagpatuman sa maong pagbansay.
Gihimo ang maong inisyatibo pinaagi sa pakigtambayayong sa Department of Education (DepEd), Department of the Interior and Local Government (DILG), Philippine National Police (PNP), City Disaster Risk Reduction and Management Office (CDRRMO), ug uban pang mga importanteng stakeholders. Nagsilbi kining prayoridad aron maghatag og hustong kahibalo ug kapaspas sa pagtubag sa mga estudyante, kapulisan, ug mga opisyal sa tunghaan sa bisan unsang hulga o kritikal nga sitwasyon sama sa active attacks sulod sa kampus.
Gipadayag usab sa pagagamhanang lokal sa pakig-alayon ni City Mayor Amie Galario, City Vice Mayor Greizl Galario-Fernandez, ug sa 10th Sangguniang Panlungsod ilang bug-os nga suporta sa maong programa kung asa dako kaayo kini nga lakang aron mas mapalig-on ang kaandam, seguridad, ug kasiguruhan sa kaluwasan sa tibuok school community sa dakbayan.
Photo Courtesy: LGU – Valencia City
