Naghiusa ang Bukidnon Press Club ug ang local media practitioners pinaagi sa usa ka Outreach Program ug Tree Growing Activity sa Sitio Butay, Barangay Canangaan, lungsod sa Cabanglasan, kagahapong adlawa Agosto 24, 2026.
Kabahin ang maong inisyatibo sa pagsaulog sa 4th Bukidnon Press Freedom Week nga nagtumong sa pagpakita sa liderato sa media pinaagi sa serbisyo publiko ug pagpanalipod sa kalikopan.
Ang maong kalihukan pinaagi sa lig-ong suporta gikan sa Kagamhanang probinsyal ubos sa pagpangulo ni Governor Rogelio Neil P. Roque. Gisiguro usab ang kaluwasan sa tanang misalmot pinaagi sa seguridad ug koordinasyon nga gipangulohan sa 8th Infantry “Dependable” Battalion (8IB), 4ID sa Philippine Army.
Mainitong gidawat sa lokal nga panggamhanan sa Cabanglasan sa panguna ni Municipal Mayor Hon. Bernie “Loloy” C. Castillanes kauban ang mga opisyal sa barangay ang maong programa, nga nagmatuod sa lig-ong suporta alang sa kapundokan sa media, sa kalikopan, ug sa mga peacekeepers sa dapit
Gihangyo pormal ni Mayor Bernie “Loloy” C. Castillanes sa lungsod sa Cabanglasan ang mga residente sa Sitio Botay, Barangay Canangaan, nga padayon nga atimanon ug amumahan ang mga kahoy nga gitanom sa ilang dapit aron kini motubo ug mapuslan sa umaabot nga mga henerasyon
Photo Courtesy:LGU Bukidnon
