Gipahibalo sa mga otoridad nga moabot ngadto sa 21 ka tawo ang namatay sa nagkadaiyang pag-atake sa Russia gamit ang mga drone sa pipila ka bahin sa Ukraine niadtong Biyernes, Agusto 21, 2022.
Dugang pa sa report nga lakip sa grabeng naapektuhan sa maong mga pag-atake ang usa ka shopping center sa siyudad sa Kryvyi Rih, diin labing menos 15 ka tawo ang nakabsan sa kinabuhi ug kapin 130 ang naangol, lakip ang 23 ka mga bata.
Matod pa ni Volodymyr Zelenskyy nga ang maong pag-atake giisip usa ka double-tap strike ug giingong buhat sa terorismo. Gani, iya kining gikondena ug giingon nga posible nga mutobag ang Ukraine batok sa maong mga pag-atake.
Kalabot niini, giingon sa Ukrainian Air Force nga 107 sa 135 ka drone nga gilusad sa Russia ang ilang napukan o napugngan. Kahibaloan nga ang maong mga pag-atake nahitabo usa lamang ka adlaw human sa dakong pag-atake sa Russia gamit ang mga missile ug drone batok sa Kyiv, diin 16 ka tawo ang gikatahong namatay.
Photo Courtesy: Youtube
