Gibutyag ni FSINSP EDUARDO P QUINTO JR, Acting City Fire Marshal, nga subay pa sa inisyal nga ehap anaa sa 108 ka pamilya o 525 ka indibidwal ang naapektuhan sa dakong sunog nga nahitabo sa Barangay Taft, Surigao City.
Kahinumdoman nga miulbo ang dakong kalayo nga paspas mikaylap sa kabalayan sakop sa Nueva Goding, Espina Extension, Barangay Taft, ning dakbayan, Merkules, Agosto 12, 2026.
Breakdown nan mga apektado: Families: 108; Households: 102; Boarder’s Individual: 51;Families Renter: 2; Family Sharer: 1
Daling miresponde ang Bureau of Fire Protection-Central Surigao City, Filipino-Chinese Fire Volunteers, REACT, Batang Surigaonon Youth Brigade, CDRRMO, PDRRMO, SSG Water Tanks, Boys Scout of the Philippines, ug mga civilian volunteers.
Dugang ni FSINSP Quinto gibanabana nga mokabat sa ₱8.5 milyon ang Total damage sa nasangpit nga sunog.
Sa pagkakaron, anaa sa mga evacuation center ang mga biktima ug nag-pa-abot sa mga hinabang gikan sa nagkalain-laing organisasyon, lokal nga kagamhanan, pribadong sektor ug mga indibidwal alang sa mga naapektuhan sa maong sunog.
