Gipadayon sa veteran actor nga si Alex Muhlach ug sa iyang partner nga si Mae Fortaleza ang ilang relasyon bisan bisan pa man sa 52 ka tuig nga age gap. Nagsugod ang ilang panag-uban niadtong 2014, ug niadtong 2024, 82 anyos si Alex samtang 30 anyos si Mae.
Si Alex mao ang amahan sa kanhi child star nga si Niño Muhlach, nga mipahayag nga dili siya supak sa relasyon sa iyang amahan ug ni Mae. Hinuon, iyang gisuportahan ang duha tungod kay nakita niya nga malipayon ang iyang amahan ug maayong nag-atiman si Mae kaniya.
Gipasalamatan usab ni Niño si Mae sa iyang dedikasyon sa pag-atiman kang Alex, ilabi na kay matud niya, kauban na kini sa iyang amahan sukad 20 anyos pa si Mae.
Gidawat usab sa ubang sakop sa Muhlach family si Mae. Si Andrew Muhlach, pag-umangkon ni Alex, mipadayag nga welcome si Mae sa ilang pamilya ug dugay na niyang nailhan ang partner sa iyang uyoan.
Sa ika-82 nga birthday ni Alex niadtong Hunyo 9, 2024, naghiusa ang pamilya sa pagsaulog sa Bohol. Ang orihinal nga plano nga sila lamang Alex ug Mae ang moadto sa Bohol nahimong family trip human nakahukom ang ubang sakop sa pamilya nga mouban.
Photo Courtesy: StarTalk
