Gipahigayon sa Titay Municipal Police Station ang Municipal Advisory Group meeting isip kabahin sa ilang paningkamot nga mapalig-on ang koordinasyon tali sa kapulisan, lokal nga panggamhanan, ug nagkalain-laing sektor sa komunidad. Tumong niini ang pagpalambo sa mga programa alang sa kalinaw, kahapsay, ug seguridad sa lungsod sa Titay.
Sa maong kalihukan, gihatagan og higayon ang mga miyembro sa advisory group nga makigbahin sa mga diskusyon kalabot sa peace and order concerns, crime prevention, ug uban pang mga isyu nga direktang nakaapekto sa seguridad sa komunidad. Pinaagi sa ingon nga konsultasyon, gitinguha sa Titay MPS nga mas mapalapad ang partisipasyon sa katawhan sa mga polisiya ug programa sa kapulisan.
Gipasiugda usab ni PMAJ Espares ang importansya sa koordinasyon tali sa kapulisan ug komunidad, ilabina sa pag-report sa mga insidente, pagpugong sa kriminalidad, ug pagpatuman sa mga programa nga nagtumong sa kaluwasan sa mga residente. Gilauman nga pinaagi sa Municipal Advisory Group, mas mahimong organisado ug responsive ang mga lakang sa Titay MPS batok sa nagkalain-laing peace and order concerns.
Padayon ang Titay MPS sa pagpalig-on sa ilang relasyon uban sa komunidad pinaagi sa konsultasyon ug pakigtambayayong sa nagkalain-laing sektor. Pinaagi sa Municipal Advisory Group, gilauman nga mas mapalambo ang participatory policing ug mapalig-on ang panaghiusa sa kapulisan ug katawhan alang sa mas malinawon, luwas, ug hapsay nga Titay.
