Gikumpirma na sa Sangguniang Panlalawigan ang Municipal Ordinance No. 2025-010 nga nag-establisar sa Senior Citizens’ Birthday Incentive Program sa lungsod. Pinaagi sa maong ordinansa, ang mga senior citizen nga 60 anyos pataas gikatakdang makadawat og ₱1,000 birthday incentive sa ilang adlawng natawhan.
Nasayran nga ang nasangpit nga ordinansa nga gimugna ni Hon. Councilor Ivi Sarah M. Humol, nagtumong sa paghatag og dugang nga pagtagad ug pahalipay sa mga senior citizen sa Nabunturan.
Gilauman nga pinaagi niini, mahatagan og gamay nga tabang ang mga Lolo ug Lola sa pagsaulog sa ilang espesyal nga adlaw. Nasyran nga usa kini ka gamay nga pahalipay apan dakong pagpasalamat sa mga senior citizen nga nahimong kabahin sa pagpalambo sa komunidad.
