Dead on arrival sa ospital ang usa ka menor de edad human kini malumos samtang naligo sa dagat sa Sitio Linao Brgy. Poblacion Maasim Sarangani Province alas 11:30 sa buntag, Agosto 6, 2026. Giila ang biktima nga si Jasmin Gemba Alisaka , Grade 6 Pupil ug residente sa Brgy Bales, sa nasampit nga lungsod.
Sa inisyal nga imbestigasyon sa Maritime Police sa Maasim nga naligo ang biktima uban sa ubang mga kabataan sa baybayon sa maong lugar dihang aksidenteng nakaabot siya sa mas lalom nga bahin sa dagat ug nalumos.
Dali siya narespondihan sa usa ka security guard nga anaa sa maong dapit ug gidala sa pinakadoul nga balay tambalanan apan gideklara na kining dead on arrival sa Attending Physician.
Nagbangotan ang pamilya sa maong biktima, samtang hugot nga nagpahimangno ang otoridad nga kanunay nga mag igmat panahon nga maligo sa dagat labaw na sa dapit nga dili kabisado.
Photo Courtesy: Lyn Vlog
