Pormal nang gipasaka niadtong Agosto 4, 2026 sa City Prosecutor’s Office ang mga kasong kriminal nga Reckless Imprudence Resulting in Homicide ug Damage to Property batok sa mga indibidwal nga nalambigit sa giingong ilegal drag race sa Davao–Bukidnon Road, Barangay Catalunan Pequeño, Davao City.
Ang nag-unang suspek nga giingong mibangga sa motorsiklo sa namatay nga magtiayon nagpabilin ubos sa pagbantay sa kapulisan samtang nagpaayo sa Southern Philippines Medical Center (SPMC).
Samtang, gipangita pa usab sa kapulisan ang drayber sa Yamaha nga motorsiklo kinsa miikyas human sa maong insidente, lakip na ang kaubanan niini.
Kalabot niini, upat ka mga indibidwal ang boluntaryong mitahan sa Baliok Police Station ug miangkon sa ilang partisipasyon sa ilegal nga drag racing ug sa karun padayon silang gisusi aron matino ang ilang tagsa-tagsa nga tulubagon.
Photo Courtesy: PNP Davao City Police Office
