Kung tapulan ka og laba, basin mao na gyud ni ang imong gipangandoy! Usa ka kompanya sa Amerika ang mipagawas og T-shirt nga giingong dili mobaho bisan usa ka bulan nga walay laba.
Matud sa kompanya, gisagolan matod ang panapton og copper, silver, zinc, gold, volcanic ash ug duha ka “secret ingredients” aron pugngan ang baho bisan pirmi pang singoton ang nagsul-ob.
Apan sa social media, daghan ang nagkatawa ug miingon, “Ang T-shirt tingali ang dili mobaho, pero ang tag-iya… lahi na pud na nga istorya!” Ug adunay usab nagkomedya nga kung tinuod kini, basin ang sunod nga slogan mao na, “Laba? Unsa man na?”
Photo courtesy: Oddity Central
