Nakadawat og ₱500,000 nga cash incentive ang mga lungsod sa Sapad ug Tagoloan, Lanao del Norte human mailang isip CY 2025 Anti-Drug Abuse Council (ADAC) National Awardees, isip pag-ila sa ilang lig-on nga kampanya batok sa iligal nga droga ug maayong pagdumala sa lokal nga panggamhanan.
Personal nga gipangunahan ni DILG Lanao del Norte Provincial Director Jay Niel C. Añasco, CESE ang ceremonial turnover sa insentibo atol sa iyang courtesy visits sa Sapad niadtong Agosto 3 ug Tagoloan niadtong Agosto 4.
Matod sa DILG, ang maong pondo gamiton aron mapalig-on pa ang mga programa batok sa iligal nga droga, lakip ang preventive education, rehabilitation initiatives, ug uban pang community-based anti-drug programs alang sa mas luwas ug drug-free nga mga komunidad.
