Giplano sa Commission on Election (COMELEC Iligan) nga tigumon ang mga mokandidato sa Barangay and Sk Election sa dili pa magsugod ang pagpangampanya.
Matud ni Atty. Anna Liza T. Barredo, City Election Officer IV, tumong niini nga mapahibalo ang publiko sa mga responsibilidad, lagda, ug mga hagit nga atubangon sa usa ka kandidato.
Gipasabot usab ni Barredo nga sa filing of candidacy, ang briefing kasagarang alang lamang sa mga kandidato.
Nunot niini nga pinaagi sa maong public information drive, gusto sa COMELEC nga mas daghang interesado nga modagan ang makasabot sa kasayon ug kalisod sa pagpakandidato aron makahimo sila og husto ug hingpit nga desisyon kon angayan ba silang modagan sa eleksyon.
