Arestado ang usa ka 36-anyos nga lalaki human makuhaan og gibanabanang ₱25,000 nga kantidad sa gidudahang shabu sa hiniusang operasyon sa Carrascal Municipal Police Station (MPS) ug PDEA Surigao del Sur niadtong nakalabay nga adlaw.
Giila ang suspek nga si “Alias Jer”, kinsa nasikop sa Barangay Doyos pinaagi sa Search Warrant No. 2026-38 nga giisyu ni Catalina Shineta M. Tare-Palacio, ang Presiding Judge sa Regional Trial Court, Branch 41 sa Cantilan.
Ang malampusong operasyon gipangulohan ni Acting Chief of Police PMAJ Elmar R. Claret, diin nakuha gikan sa suspek ang 3.8 gramos nga gidudahang shabu nga adunay Standard Drug Value nga ₱25,840.00, nagkalain-laing drug paraphernalia ug usa ka cellphone.
Tanggong karon ang suspek sa pasilidad sa kapulisan ug mag-atubang og kasong paglapas sa RA 9165 Comprehensive Dangerous Drugs Act of 2002.
Photo courtesy: Carascal MPS
