Gilauman sa Davao City Tourism Operations Office (CTOO) nga molapas sa 250,000 ang tourist arrivals atol sa pagsaulog sa Kadayawan Festival 2026 sa Dakbayan sa Davao.
Sumala kang Charlotte Parba, Admin Officer sa Davao City Tourism Operations Office CTOO, nakarekord ang siyudad og 205,000 ka turista sa Kadayawan 2025 ug gilauman nga mosaka kini og 25 porsyento karong tuig.
Posible usab nga moabot pa sa 500,000 ang aktwal nga ihap sa mga bisita kon maapil ang mga excursionists o kadtong wala magpabilin sa mga hotel, Airbnb ug uban pang accommodation.
Samtang, gilauman sa CTOO nga sugod Agosto 14, magsugod na ang dagsang pag-abot sa mga lokal ug langyawng bisita nga motambong ug motan-aw sa nagkalain-laing kalihokan sa Kadayawan Festival, ilabina sa Great Kadayawan Weekend gikan Agosto 14 hangtod 16, 2026.
Photo Courtesy: Gemlie Pormento
