Dakpan ang usa ka lalaki, habal-habal driver nga giila ISIP High-Value Individual (HVI) atol sa joint drug buy-bust operation sa Purok Capitol, Barangay Estaka, Dipolog City niadtong nakalabay nga adlaw. Giila ang dinakpan nga si alyas Bitoy, 33 anyos, residente sa Brgy. Turno susamang dakbayan.
Nasakmit atol sa operasyon ang 60 gramos sa gidudahang shabu nga adunay gibanabanaang kantidad nga Php408,000, lakip ang duha ka sachet sa gidudahang droga, buy-bust money, ug uban pang mga non-drug items.
Gipangunahan ang operasyon sa PDEG SOU 9, uban sa Dipolog City Police Station, 5th SOU Mabuhay, PNP Maritime Special Boat Crew, ug sa koordinasyon sa PDEA 9 nga mi-resulta sa malampusong pagkasikop sa maong drug suspect
Ang dinakpan gidala sa Dipolog City Police Station alang sa tukmang disposisyon, samtang ang mga nasakmit nga ebidensya ipadala sa Zamboanga del Norte Forensic Unit alang sa examinasyon.
Photo Courtesy: Dipolog CPS
