Nadakpan sa mga operatiba sa San Miguel Municipal Police Station (MPS) ang usa ka wanted person atol sa usa ka manhunt operation nga gipahigayon sa Purok 8, Barangay Carromata, San Miguel, Surigao del Sur niadtong Agosto 1, 2026.
Ang operasyon, nga gipatuman ubos sa Intelligence Packet TIP G-2026-07-003-PRO13-SDSPPO-San Miguel MPS, misangpot sa pagdakop sa usa ka 58-anyos nga mag-uuma nga giila lamang sa alyas nga “Bandi,” residente sa maong barangay.
Gidakop ang suspek pinaagi sa Warrant of Arrest alang sa kasong Murder ubos sa Criminal Case No. 9412-249982-26-FC nga gi-isyu niadtong Hulyo 29, 2024. Walay gitakdang piyansa alang sa iyang temporaryong kagawasan.
Ang nadakpan nga suspek anaa na karon sa kustodiya sa San Miguel Municipal Police Station alang sa hustong dokumentasyon ug disposisyon, sa dili pa itugyan sa korte nga nagpagawas sa warrant of arrest.
Photo courtesy: San Miguel MPS
