Balhog sa prisuhan ang usa ka pintor human nga nasakmitan sa 12 gramos sa druga pinaagi sa gipahigayobn nga drug buy bust operation sa kapulisan sa Tubod, Barangay Galas, Dipolog City niadtong Agosto 2, 2026. Giila ang dinakpan nga “Jul”, 47 anyos, ug residente sa Barangay Colo, lungsod sa Molave, Zamboanga del Sur.
Narecover gikan sa dinakpan ang 1 ka gamay nga pakete sa shabu nga nagsilbing buy bust item ug ang 1,000 bill nga gigamit isip buy-bust money. Dugang pa nakuha gikan sa iyang posisyon ang 4 ka dagkong pakete sa shabu, 1 ka black bag nga gigamit isip container sa druga, smartphone, Toyota Hilux nga dunay plate number nga NDK 7299 ug uban pang mga non-drug items.
Mobalor sa Php 81,600.00 ang kinatibuk-ang druga nga nasakmit gikan sa dinakpan. Gilusad ang maong operasyon pinangunahan sa ZNPDEU kauban ang Dipolog City Police Station sa koordinasyon sa PDEA 9.
Balhog sa prisuhan ang dinakpan ug mag-atubang sa kasong paglapas sa RA 9165 kon Comprehensive Dangerous Drugs act of 2002.
Photo Courtesy: Dipolog CPS
