Nasikop sa hiniusang buy bust operation ang usa ka street level individual nga nailhang si alyas “Long”, 28 anyos ulitawo, walay trabaho didto sa Purok Pujada, Barangay Central, Mati City, Davao Oriental pasado alas 7:33 kagabii, Agosto 2, 2026.
Gilusad ang operasyon pinaagi sa mga personahe sa Mati City Police Station, kauban ang mga operatiba sa PIU DOPPO ug sa koordinasyon sa PDEA DOPO XI. Narekober gikan sa suspetsado ang usa ka piraso sa heat-sealed transparent plastik nga sachet nga adunay puti nga kristal nga substansiya, laing tulo ka pakete sa gituohang shabu, usa ka P500-pesos nga buy bust money, ug usa ka itom nga pitaka nga adunay sensilyo.
Ang mga nakumpiskang ebidensiya gibana banaang mutimbang sa 0.45 gramos ug adunay standard drug price nga PhP3,060.00. Human sa pagdakop gipahibalo ang akusado sa iyang mga katungod ubos sa konstitusyon gamit ang pinulongan nga iyang nasabtan.
Tingkagol na sa prisohan ang dinakpan kinsa mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Mati CPS
