Sikop ang usa ka lalaki kinsa wanted sa kasong Frustrated Homicide pinaagi sa gipahigayon nga a joint intelligence-driven pinangunahan sa Polanco Municipal Police Station kauban ang Garcia-Hernandez Municipal Police Station, Bohol Police Provincial Office, PRO 7 didto sa Barangay West Poblacion, Garcia-Hernandez, Bohol niadtong milabayng adlaw.
Giila ang dinakpan nga si Greg, 20 anyos, nalista isip Top 8 Most Wanted Person (Municipal Level) sa Polanco Municipal Police Station.
Gisikop ang akusado pinasikad sa warrant of arrest sa nasangpit nga kaso nga gipagula sa Presiding Judge of Regional Trial Court, Ninth Judicial Region, Branch 9, Dipolog City, Zamboanga del Norte, pinetsahan ug Enero 24, 2025.
Mokabat sa Php72,000.00 ang girekomendar nga paynasa sa korte alang sa temporaryong kagawasan sa akusado.
Ang dinakpan kasamtangang anaa sa kustodiya sa Garcia-Hernandez Municipal Police Station alang sa tukmang dokumentasyon ug disposisyon.
Photo Courtesy: Polanco MPS
