Nalaang sa kapulisan ang usa ka lalaki kinsa nagpayuhot sa ginadiling drugang shabu pinaagi sa gilusad nga drug buy bust operation sa Purok 8, Barangay Biasong, Dipolog City niandtong nakalabay nga adlaw.
Giila ang dinakpan nga si alyas Jek, 31 anyos, bag-ong naila nga Street Level Individual sa drug’s watchlist ug residente sa Barangay Barra sa nasangpit nga dakbayan. Narecover gikan sa dinakpan ang 8 ka mga sachet sa gituohang shabu, 500 peso bill nga buy bust money ug uban pang mga non-drug items.
Mokabat sa tulo ka gramo ang nasakmit nga druga gikan sa dinakpan nga nagkantidad ug Php20,400.00. Gilusad ang maong operasyon pinaagi sa mga personahe sa Dipolog City Police Station kauban ang Regional Drug Enforcement Unit 9, ug PDEA 9.
Balhog sa selda sa Dipolog City Police ang suspetsado ug mag-atubang ug kasong paglapas sa Ra 9165 kon Comprehensive Dangerous Drugs Act of 2002.
