Malampusong napahiuli sa ilang panimalay ang usa ka Family in Street Situation (FISS) pinaagi sa Pag-abot Program sa Department of Social Welfare and Development (DSWD) Field Office XII, uban sa panagtinabangay sa City Social Welfare and Development Office (CSWDO) sa General Santos City ug sa Barangay Local Government Unit (BLGU) sa Upper Labay.
Ang maong pamilya gipasa o gi-endorso sa Pag-abot Regional Program Management Office (RPMO) VII aron matagaan og hustong serbisyo ug suporta alang sa ilang pagbalik sa komunidad.
Gipahigayon ang reintegration activity sa Barangay Upper Labay diin luwas nga napauli ang pamilya ngadto sa ilang panimalay. Gawas sa pagpauli, gipalig-on usab sa maong kalihokan ang koordinasyon tali sa DSWD, CSWDO, ug barangay aron masiguro nga mapadayon ang pag-atiman, pag-monitor, ug paghatag sa mga angay nga social protection services ngadto sa pamilya.
Sumala sa DSWD, tumong sa Pag-abot Program ang pagtabang sa mga pamilya nga napugos sa pagpuyo sa kadalanan pinaagi sa family reunification ug sustainable reintegration aron makabalik sila sa normal nga panginabuhi ug malikayan ang ilang pagbalik sa karsada.
Photo Courtesy: DSWD 12
