Nadakpan sa mga operatiba sa Digos City Police Station, ang duha ka giingong tigpayuhot og ilegal nga droga atol sa joint buy-bust operation nga gipahigayon alas 1:55 sa kaadlawon sa Hulyo 2, sa Carlos P. Garcia Street, Barangay Zone III, Digos City.
Giila ang mga suspetsado nga sila alyas “Apyong,” 18 anyos, ug alyas “Yong,” 25 anyos. Narekober gikan kanila ang tulo ka pakete sa gituohang shabu nga adunay gibug-aton nga 5.47 gramos ug gibanabanaang kantidad nga ₱37,196, lakip ang buy-bust money, cellphone, ug duha ka coin purse.
Giatubang na sa mga suspetsado ang kasong paglapas sa Republic Act 9165 o Comprehensive Dangerous Drugs Act of 2002.
