Gipahigayon ang AGRINEX 2026 o Davao del Sur Agri-Industrial Trade and Investment Expo sa The Atrium, Gaisano Mall of Digos. Nagpahimutang og mga booths ang nagkadaiyang lokal nga panggamhanan, ahensya sa gobyerno, ug mga negosyante aron ipakita ang mga lokal nga produkto, serbisyo, ug mga oportunidad sa agrikultura, industriya, ug pamuhunan sa probinsya.
Kabahin kini sa pagpalig-on sa lokal nga ekonomiya pinaagi sa pagpasundayag sa mga produkto ug paghatag og dugang oportunidad sa mga micro, small, ug medium enterprises o MSMEs.
Padayon nga gipalig-on sa AGRINEX 2026 ang pagpalambo sa agrikultura, industriya, ug lokal nga negosyo sa Davao del Sur. Gilauman nga pinaagi sa maong expo, mas daghang oportunidad ang mahatag sa mga negosyante ug mapasaka pa ang lokal nga ekonomiya sa probinsya.
