Gilunsad na sa HD Hyundai ang Orion Jade, ang unang barko nga gitukod sa kompanya sa Subic ug unang barko nga gihimo sa HD Hyundai Heavy Industries Philippines (HHIP).
Ang Orion Jade mao ang una sa upat ka barko nga gitukod sa kompanya ug nagtimaan sa opisyal nga pagsugod sa bug-os nga operasyon sa shipbuilding sa HD Hyundai sa Subic.
Matod ni HHIP President Im Dae Jun, usa kini ka makasaysayang kalampusan alang sa kompanya ug pasalamat niya ang gobyerno sa Pilipinas, Subic Bay Metropolitan Authority, ug tanang kauban nga mitabang sa proyekto.
Giingon usab ni Special Assistant to the President for Investment and Economic Affairs ug Finance Secretary Frederick Go nga ang paglunsad sa barko nagpakita nga epektibo ang paningkamot sa administrasyong Marcos sa pagdani og dagkong pamuhunan nga nagmugna og trabaho ug nagpalig-on sa industriya sa nasud.
Nakigtambayayong usab ang HD Hyundai sa TESDA aron mabansay ang mga Pilipino sa mga kahanas nga gikinahanglan sa nagkalapad nga industriya sa shipbuilding sa nasud.
Ang pagtukod sa mga barko nagsugod niadtong Septyembre 2025 pinaagi sa steel-cutting ceremony nga gipangunahan ni Pangulong Ferdinand Marcos Jr.
Sa pagkakaron, hapit 4,000 ka trabaho na ang namugna sa Subic pinaagi sa proyekto, ug gilauman nga mudoble pa kini sa umaabot.
Photo Courtesy:Headlines Zambales
