Usa ka babaye ang nahimong sentro sa diskusyon sa social media human iyang isulti nga nagtuo siya nga ang iyang pinalanggang iro nga namatay kaniadto, nagpakatawo pag-usab isip iyang bag-ong natawo nga Baby.
Matod sa babaye, nakabantay siya nga ang iyang bata adunay kaparehong birthmark sa marka nga naa sa iyang iro kaniadto. Tungod niini, nakumbinsi siya nga wala siya biyae sa iyang pinalanggang alaga ug mibalik kini sa laing pamaagi.
Bisan pa niini, daghan ang wala mouyon sa iyang pagtuo, ilabina kay wala siyentipikong ebidensya nga nagpamatuod sa reincarnation o pagpakatawo pag-usab. Ang uban nagtan-aw niini isip personal nga pagtuo ug paagi sa pag-atubang sa kasubo human sa pagkawala sa usa ka minahal nga alaga.
Sa laing bahin, aduna usab mga netizens nga naluoy ug nakasabot sa pagbati sa babaye, ug nag-ingon nga ang maong kasinatian mahimong naghatag kaniya og kahupayan ug paglaum sa panahon sa iyang pagbangotan.
Photo Courtesy:Instagram
