Gipanghatag sa Lokal nga Panggamhanan sa Maitum ang 116 ka handheld radios ngadto sa mga barangay aron mapalig-on ang komunikasyon ug mas mapaspas ang koordinasyon ilabina sa panahon sa emerhensya, kalamidad, ug mga operasyon sa kalinaw ug kaluwasan.
Ang maong mga handheld radios gihatag sa Provincial Government of Sarangani isip kabahin sa padayon nga suporta sa pagpalig-on sa communication capabilities sa mga lokal nga panggamhanan. Sa 116 ka units, 95 niini adunay kantidad nga ₱3,700 matag usa, samtang ang nahibiling 21 ka units adunay kantidad nga ₱80,000.
Tumong sa programa nga masangkapan ang matag barangay og kasaligan nga communication equipment aron mas dali ang pagtinabangay ug mas episyente ang paghatag og serbisyo publiko, labi na sa panahon sa mga emerhensya ug kalamidad.
Photo Courtesy: LGU Maitum
