Mga Ka-Juander, kung naanad mo nga ang armor para sa sundalo, sa Austria kay apil na pud ang karnero.
Usa ka Austrian inventor ang migugol og tulo ka tuig aron makahimo og “armor” o chain mail para sa mga karnero isip panagang batok sa pag-atake sa mga lobo. Ang maong armor gihimo gikan sa plastic mesh nga adunay mga hait nga tunok aron mahadlok ang lobo nga mopaak pag-usab.
Apan, wala madugay, nabahin ang opinyon sa katawhan. Adunay miingon nga praktikal kini, apan daghan usab ang nagduda kay basin matod pa ang lobo dili moundang ug mangita na lang og laing parte sa lawas nga paakon.
Ang uban pangutana pa gani, “Kung naka-armor na ang karnero, kinahanglan ba pud kaha og helmet?” Ug basin sunod ani, ang mga karnero naa nay bodyguard.
Bisan pa man sa kontrobersiya, padayon nga nangita og lugar ang inventor aron masulayan ang iyang imbensyon. Kay sa Austria, dili lang tawo ang pwede mag-armored—apil na usab ang kahayopan sa kabukiran.
Photo courtesy: Oddity Central
