Nanawagan ang IBON Foundation nga biyaan sa gobyerno ang ilang gitawag nga karaan nga “free market” nga estratehiya sa ekonomiya ug ilisan kini og domestic-led development o pagpalambo sa lokal nga ekonomiya. Matod sa grupo, kinahanglan nga tutukan ang pagpalambo sa agrikultura, nasudnong industriyalisasyon ug pagpalapad sa social services aron mapukaw pag-usab ang ekonomiya sa nasud.
Gipakita sa IBON nga hinayhinay nga mikunhod ang economic growth sa Pilipinas sulod sa miaging napulo ka tuig. Human sa pagbangon gikan sa pandemya, padayon gihapon ang paghinay sa pagtubo sa ekonomiya ug gipaabot pa sa grupo nga moubos kini sa 4 porsyento karong 2026. Giingon usab nila nga mihinay na ang mga nag-unang tinubdan sa pagtubo sama sa exports, foreign investments, remittances ug fiscal stimulus.
Gisaway usab sa IBON ang padayon nga pagsandig sa administrasyong Marcos Jr. sa free trade agreements ug mga balaod nga nagdasig sa foreign investors. Matod sa grupo, mas angay nga unahon sa gobyerno ang paglig-on sa lokal nga produksiyon ug industriya aron masiguro ang lig-on ug malungtarong pag-uswag sa ekonomiya sa Pilipinas.
Photo Courtesy: IBON Foundation
