Nakapukaw og atensyon sa daghang tawo ang usa ka talagsaong seremonyas nga gipahigayon sa mga residente sa estado sa Assam, India, diin ilang gipakasal ang duha ka baki subay sa tradisyon sa Hindu.
Ang maong seremonyas gihimo isip ritwal aron mangayo og ulan human sa pipila ka semana nga grabeng kainit ang nasinati sa ilang lugar.
Sumala sa ilang tinuohan, ang maong tradisyon usa ka paagi sa paghangyo kang Lord Indra, ang diyos sa ulan sa Hindu nga mitolohiya, nga paulanon ang ilang komunidad.
Dugay na kining tradisyon nga ginabuhat sa pipila ka mga komunidad sa India panahon sa taas nga hulaw o grabe nga kainit, isip kabahin sa ilang kultura ug pagtuo.
Photo Courtesy: South China Morning Post
